O noso concelleiro ven a congratularse polo eco que está empezando a ter no Goberno Local o noso Plan  #TUISEGURO, e considera acertado que comezara a darlle resposta ca adecuación das rampas de acceso nos pasos de peóns das rúas Ourense e Compostela. Dende C21 agardamos que este tipo de intervencións, que se enmarcan no espírito de mobilidade que preconiza o PMUS, e que o propio goberno de C21 impulsamos no pasado mandato, sirvan para mellorar a vida dos tudenses e visitantes, especialmente, daqueles que presentan algún problema de minusvalía.  C21 felicita ao Goberno, e con este impulso síntese animado a seguir traballando por un TUISEGURO, e sumará nas próximas semanas mais iniciativas os xa 25 escritos presentados dende novembro.      Na Prensa:  Faro de Vigo. (Nota: a noticia vai involucrada ca a da petición do arranxo dos postes de electricidade e teléfono que corren perigo e caída).    Telemariñas.  Infomiño.   Radio Municipal de Tui. Noticias 13.30 h.

Dentro do Plan #TuiSeguro, o noso concelleiro solicitou por rexistro de entrada o inmediato arranxo da plataforma de partida da tirolina do paseo fluvial. Os argumentos de C21 polos cales consideramos que esta base de partida é un serio peligro para os nenos son: 1) Porque a altura a que teñen que subir os cativos é considerable, 2) debaixo o terreo é pedregoso, cheo de rocas cortantes, e 3) a plataforma de ferro non se atopa protexida. José Palacín explicou na Radio Municipal de Tui que agrada se acometa esta sinxela obra o más pronto posible e ponse a disposición da Sr. Concelleira de Parques e Xardíns para aportar ideas.  Foto: Na foto podemos observar as deficiencias gravísimas da tirolina na súa plataforma de lanzamento.    Prensa:  Radio Municipal de Tui. Noticias 13,30 h do día 21/01/2020

O noso concelleiro introduciu por rexistro de entrada a petición para que se acometa un novo arranxo da explanada da Área Panorámica explicando que a hipotética construción dun parking nestes terreos aínda non está consolidada nin política, nin xurídica, nin empresarialmente, e que os cidadáns de Tui e foráneos necesitan dun lugar practicable para aparcar os seus vehículos posto que actualmente o deterioro do chan volve a ser notable.  Palacín suxire que esta intervención debería ser máis duradeira ca última que efectuou este Goberno. 

O noso Concelleiro introduciu por rexistro de entrada a petición para que, xa finalizadas as festas, se retire a ornamentación de Nadal da terraza que se atopa en fronte da Porta da Pía, na Rúa Ordoñez. José Palacín solicita que se saquen estes elementos porque están a sufrir un deterioro innecesario e contribuíndo a mala imaxe do entorno. Pódese ver na foto que actualmente a terraza da Rúa Ordoñez é un campo de lixo.   Na Prensa: Radio Municipal de Tui: Noticias 13:30 do día 15/01/2020.  

Dentro da súa campaña #TUISEGURO, C21 solicitou a intervención sobre dous postes de teléfono e luz que ameazan con caerse e tamén sobre varias beirarrúas que presentan unha deficiente urbanización ou adoquíns levantados e que tamén poden ser espazo de risco peonil.  Por unha banda temos dous postes, un de madeira na Rúa Maristas que presenta un perigo de derrube inminente, e outro eléctrico, na intersección de Casal Aboy – A Guarda, suxeito precariamente con tirantes. O  noso concelleiro tamén solicita a correcta urbanización, ou polo menos a reparación, da beirarrúa Casal Aboy no tramo que esta percorre entre a intersección ca Rúa Maristas e a intersección ca Rúa A Guarda, do mesmo modo que a recolocación de algúns adoquíns na rúa Ourense.  Por outra banda a partir de febreiro C21 levará a súa campaña #TUISEGURO as parroquias, iniciando o seu periplo en Caldelas onde se detectou unha fosa extremadamente perigosa na marxe da estrada PO 404, co cal C21 requirirá a Xunta de Galici