O noso concelleiro, rexistrou por rexistro de entrada unha solicitude para que se arranxe ou repoña o mastro dunha luminaria que se atopa na estrada Nacional 550, en Guillarei, do lado dereito saíndo de Tui. Seguramente, dito elemento sufriu algún tipo de impacto e dobregou, pudendo constituír un perigo en caso de precipitación na beirarrúa ou sobre a propia estrada. Os liberais seguiremos avisando de farolas en mal estado.     Prensa. Radio Municipal de Tui, noticias 13,30 h do día 26/04/2021  

  Dentro do Plan #Tuiseguro, o noso concelleiro acaba de solicitar por rexistro a supresión urxente do badén que se acaba de colocar na baixada da Rúa Loureiro cara a Ponte Romana. José Palacín afirma ter recibido moitísimas advertencias veciñais e ven de realizar a propia comprobación sobre o perigo de dito elemento. Este montículo resulta un risco para a circulación, sobre todo de bicicletas e motocicletas, pola situación no que se atopa, posto que está moi cerca dun cambio de rasante, resulta absolutamente inesperado e posúe un alto grado de pendente. Os liberais de Tui consideramos axeitado o arranxo da Rúa Loureiro e incluso o feito de limitar a velocidade nese tramo con badéns, pero xusto, ese da baixada, constitúe un risco inaceptable e polo tanto, solicitamos a súa inmediata retirada.    Prensa   Radio Municipal de Tui, Noticias 13,30 h do día 21 de abril de 2021.     Telemariñas    Faro de Vigo      

O noso concelleiro, José Palacín, solicitou esta semana por rexistro de entrada que o Goberno Local habilite uns buzóns de metacrilato nas parada, que sexan transparentes e que sirvan para albergar os papeis que indican os horarios dos autobuses. Palacín ten comprobado como as cuartillas onde figura o tránsito do transporte público son arrincadas ou se deterioran, por iso moitas persoas non poden consultalas. Evidentemente, ditas caixas deben ser accesibles para os encargados de dispoñer os horarios.    Prensa.   Radio Municipal de Tui / Noticias 13,30 / 20/04/2021     Infomiño   Telemariñas

Dende C21 continuamos ca nosa campaña #Tuiseguro, agora focalizado nas parroquias. José Palacín ven de solicitar por rexistro de entrada que se perimetre con setos unha zona que da a un precipicio no parque que se atopa diante do CEIP de Rebordáns. C21 consideramos que todo o dispendio da Concellería de Parques e Xardíns non está redundando o suficiente na seguridade destes espazos públicos infantís e pon como exemplo a falla de compromiso co vallado do precipicio de Álvarez Blázquez que tras un ano non recibiu resposta e que supón un gravísimo perigo para os nenos.

  Dentro do noso Plan #Tuiseguro, C21 vimos de solicitar por rexistro de entrada que se proceda a mover os contedores que percorren a PO 3001 ou Estrada de Rebordáns para evitar a súa perigosa invasión dentro dos carrís de circulación. O nos concelleiro, José Palacín, considera que: “Hai marxe de manobra para recolocalos e evitar posibles accidentes de circulación”. Concretamente nesa estrada existen tres puntos con contedores mal situados e que xa foron notificados a concellería correspondente.    Prensa.   Telemariñas    Radio Municipal de Tui / Noticias 13,30 do día 15 de abril de 2021. 

Co transcorrer do tempo durante esta pandemia vanse recuperando actividades que estaban restrinxidas ou alo menos adaptándoas á situación na que vivimos. É o caso da programación cultural de San Telmo que tratou de encher o baleiro dunhas festas de San Telmo por imposibilidade de celebración. De partida, foi unha moi boa iniciativa por parte do Concello levar a cabo unha programación cultural durante estas datas e deste xeito non deixar orfa a nosa cidade de eventos que conmemorasen a celebración do noso patrón San Telmo. Non obstante, e a pesares da calidade da programación, os eventos quedaron totalmente descontextualizados, pois leváronse a cabo dun xeito que tanto se poderían programar nestas datas coma no verán, ou en calquera outra localidade sen máis particular que realizalos, pero sen ningún vínculo concreto; é dicir, este Goberno realizou unha programación cultural aséptica, sen un nexo directo coa celebración que corresponde, e todo iso despois de escoitar o discu

  O noso voceiro ven de facerse eco das queixas veciñais respecto dos desinfectantes usados na limpeza viaria. José Palacín explica que moitos tudenses están preocupados polos supostos efectos negativos que poderían xerar estes preparados sobre a saúde das súas mascotas, principalmente cans pequenos, que ultimamente están a sufrir inflamacións oculares e mareos. Por outra banda, dende C21 consideramos que na xornada inaugural, na carpa da Corredoira, utilizouse un desinfectante con un olor insoportable. Palacín afirma: “Todos estamos preocupados pola hixiene da nosa cidade e por suposto, nos apostamos pola máxima asepsia, e mais en tempos de COVID, pero se debe actuar con mesura e prudencia, por iso pedimos un estudo sobre os posibles efectos secundarios destes produtos e da súa dosificación na limpeza viaria”.     Prensa   Radio Muncipal de Tui - Noticias 13,30 do día 09/04/2021   

O noso concelleiro ven de constatar por rexistro de entrada a existencia dun problema relacionado ca numeración no barrio de Eira Vella, en Ribadelouro. Esta cuestión causa problemas aos veciños debido a que os servizos de correos, reparto de paquetería e de comida a domicilio atópanse con varias casas marcadas co mesmo número. Dende C21 aproveitamos para solicitarlle ao goberno actual que siga traballando no inventario de camiños e a mellora da localización e numeración das vivendas que iniciara o goberno de Carlos Vázquez Padín no ano 2018.     Prensa.   Radio Municipal de Tui. Noticias 13,30 h do día 08/04/2021