C21 solicita ao Concello que pida a Costas limpar os troncos que se acumulan contra o Pantalán da Mariña.
O noso concelleiro, José Palacín, acaba de introducir por rexistro de entrada un escrito no cal pide ao Goberno Local que avise a Costas do Estado que no Pantalán da Mariña, fronte ao paseo fluvial do Río Miño, ao seu paso por Tui, se veñen acumulando troncos, maleza e outros restos das riadas acaecidas nestas últimas semanas, e que solicite unha limpeza.
Palacín explica, que abordar este asunto ten certa urxencia porque o embarcadoiro está a recibir unha forte presión de todo ese material que non ten saída, e que outra riada pode facer perigar a integridade da estrutura, de feito o pantalán da veciña Salvaterra, sucumbiu a última acometida do rio.
Lembremos que o Concello de Tui leva investido tamén cantidades importantes dos seus recursos financeiros en reformar estas obras, fundamentais para dinamizar a actividade no rio, e que é importante preservalas, ao marxe do dano que se lle pode causar a propiedade privada, os barcos atracados.
Prensa
Radio Municipal de Tui. Noticias 13.30 do día 09/01/2023
