Converxencia 21 considera que "efectivamente" o aparcamento está a converterse nun pelotazo financieiro e solicitoulle ao Alcalde someterse a unha cuestión de confianza. .

 

Na campaña das Eleccións Municipais do ano 2019 circulaba polas redes un vídeo no cal se observaba ao futuro Alcalde de Tui, Enrique Cabaleiro, expresar que o aparcamento soterrado do Área Panorámica que plantexaba o Goberno de Carlos Vázquez Padín era un “pelotazo financeiro”, referíndose supostamente aos beneficios da empresa co executase e explotase.

Meses despois, o Goberno do PSOE – EN MAREA acababa aprobando un parking construtivamente semellante ao anteriormente deseñado ante o clamor social e a petición de reflexión por parte do conxunto da oposición.

O noso voceiro, José Palacín, explica que no pleno de habilitación de crédito do aparcamento, advertiu sobre o feito de que o Concello tivera que facerse cargo da reposición de servizos e construción de beirarrúas e sobre a cantidade asignada, pouco máis de 400.000.

Onte, en Pleno Extraordinario, despois de tres anos, o goberno socialista plantexou aos demais grupos corporativos a rescisión do contrato, por incapacidade orzamentaria do Concello para executar, precisamente, esa cláusula dos servizos, que se incrementan máis de un 500%, algo para C21 que demostra o nivel de improvisación e falla de transparencia do Goberno en todo o proceso.

Unha rescisión que, en todo caso, vai a custar como mínimo 140.000 euros, en concepto de indemnizacións á empresa adxudicataria, que ademais solicita outros dous millón de euros.

O voceiro de C21 considera que: “Efectivamente, ao final, produciuse un pelotazo financeiro porque sen que se coloque un ladrillo van a desaparecer das arcas públicas, como mínimo 140.000 euros”, e explica que todo isto tería que haberse previsto e que o único responsable político da catástrofe é o propio Alcalde co seu equipo.

Palacín preguntou, en virtude da documentación que obraba no pleno, si o Partido Socialista, sabía antes das eleccións que o parking non tiña solución de continuidade, e o Goberno non contestou a dita pregunta, que ademais o propio Palacín realizara en campaña. 

C21 consideramos que, si fora así, a proposta programática do PSOE, de construír o aparcamento soterrado, foi unha estafa e por iso pediulle ao rexedor que se sometera a unha cuestión de confianza amparado no apartado D) do artigo 197 da Lei Orgánica 5/1985, pero ningún grupo partido secundou aos liberais na petición e incluso o BNG apoiou ao Goberno, votando a favor da decisión da rescisión.