C21 considera “inadmisibles” as declaracións do Sr. Alcalde de Tui, D. Enrique Cabaleiro, sobre a Policía Local.

-

  
O noso concelleiro, José Palacín, ven de cualificar as declaracións do rexedor tudense nunha entrevista na Radio Municipal como “desafortunadas institucionalmente e polo tanto inadmisibles”.


O Sr. Cabaleiro, ante os micrófonos da R.M.T declamou: “As baixas collidas durante estas datas de Nadal por catro membros da Policía Local obedecían mais a unha cuestión de conflitos de intereses ou a outra intencionalidade”.

Palacín considera que: “Con estas declaracións o Sr. Cabaleiro coloca un velo de sospeita sobre os funcionarios públicos, algo que me produce estupor, porque non so se insinúa sobre a Policía, senón que, indirectamente, podería estarse cuestionando o sistema sanitario que avala as susoditas baixas. Por outro lado, tamén tende unha cortina de fume para tapar a súa mala xestión neste ámbito ”.

Os liberais xa advertíramos da enorme precariedade do servizo de vixilancia durante estas festas e explican que, por unha parte, faltan efectivos, por outra medios, comezando por unha comisaría, e por outra, capacidade ou vontade do Goberno Socialista para incrementar as horas extras en momentos claves como a Noite de Fin de Ano, cando este resulta un servizo esencial.

O noso concelleiro solicítalle a máxima autoridade local, “maior contención e non caer nunha deriva anti-institucional”.

 

Prensa

Telemariñas

Radio Municipal de Tui, Noticias 13,30 do día 13 de xaneiro de 2023.

Publicacións populares deste blog

C21 solicita que se recorte o saínte da beirarrúa na intersección da Rúa Maristas con Rúa Ourense dentro da renovación do seu Plan #Tuiseguro.

-
Imaxe
  O noso concelleiro, José Palacín, ven de manifestar a nosa intención de continuar co programa #tuiseguro durante catro anos máis. Os centristas consideramos fundamental manter o ritmo da introdución de rexistros ao Goberno Local en pos da mellora da accesibilidade e de tratar de evitar accidentes debido a posibles situacións de degradación ou falta de seguridade das contornas urbana e rural. Esta decisión foi comunicada por José Palacín ao Sr. Alcalde, Enrique Cabaleiro, no marco das reunións previas ao pleno organizativo. Neste aspecto, o concelleiro acaba de introducir un rexistro para que se recorte a dimensión do saínte da beirarrúa na intersección da Rúa Maristas con Rúa Ourense. Palacín pide un recorte aproximado de 70 cms porque pode producirse un accidente ao xirar os autobuses nesa dirección e sobre todo na contraria. Isto é así por falta de espazo e xeración de ángulos mortos. Prensa Radio Municipal de Tui. 2023/07/05
Ler máis

PSOE e BNG impoñen o Imposto de Plusvalía. Palacín: "Comeza unha era de depredación fiscal contra os tudenses""

-
Imaxe
No Pleno de onte materializouse a reintrodución do Imposto de Plusvalía a proposta do Goberno Socialista e cos votos favorables dos membros do Goberno é do BNG. Este inxusto tributo fiscal fora suprimido polo Goberno de Converxencia 21, sendo Alcalde Carlos Vázquez Padín en 2018 por varias razóns:  1) Convicción de que o gravame nas transaccións de bens patrimoniais tanto por venta, como por doazón ou sucesión son un abuso do Estado, unha intromisión inaceptable nos dereitos do individuo sobre a súa propiedade privada. 2) Os cartos deben estar nas mans dos seus lexítimos propietarios en vez de nas arcas do ineficiente Estado que cada vez emprega máis os recursos en alimentar a industria política. Do mesmo modo, unha estratexia de baixos impostos dinamiza a economía e isto non é alleo a Tui. 3) Concretamente este imposto, naqueles intres estaba sendo sometido a lupa do Tribunal Superior de Xustiza Europeo, incluso do Supremo e do Constitucional do propio Estado Español, porque
Ler máis

Converxencia 21 pide que se estude a posible retirada dunha xardineira en San Bartolomé.

-
Imaxe
  O noso concelleiro, que continua co programa de C21 #tuiseguro, acaba de solicitar que se estude por parte das concellerías de Obras e de Patrimonio a retirada e conversión en solo firme de pedra do espazo que ocupa actualmente un xardineira que debería albergar unha árbore, pero que non existe na praza do barrio de San Bartolomé. Os liberais alegamos por unha banda que ter ese espazo destrozado e valeiro afea a contorna e que ademais o Concello debería estudar a eliminación da estrutura posto que a procesión do santo pasa xusto por ese lugar resultando un perigo e dende logo entorpecendo o tránsito. A tal efecto, José Palacín pide que: “Se estude con Patrimonio a retirada porque si algún transeúnte e sobre todo, algún portador de imaxes da procesión tropeza neste lugar pode producirse unha desgraza”.  
Ler máis