Converxencia 21 solicita o mantemento do Palco da Música da Corredoira.

 

O concelleiro de Converxencia 21, José Palacín, ven de solicitar por rexistro de entrada ante a concellería de Patrimonio unha inmediata actuación de mantemento no Palco da Música situado na Corredoira.

En 2018, sendo titular da área patrimonial, Eduardo Freiría, abordouse un proxecto integral de rehabilitación de un ben catalogado como único, posto que é un dos poucos Kioskos conservados en Galicia do século XIX (1.897).

Cinco anos despois da reforma de Converxencia 21, os pasamáns de madeira necesitan protección, asoman sombras de óxido na balautrada e o chan require dun tratamento posto que é un lugar moi azoutado pola intemperie. Nese aspecto Palacín afirma que: “Hai que apostar sempre pola cultura política do mantemento”.

C21 pide ser respectuoso na intervención a un Goberno que en esta materia leva cometido algún erro de bulto como a decisión de retirar as pedras do firme de Antero Rubín que o propio Concelleiro de C21 e varias asociacións denunciaron ante a prensa e que inmediatamente foi obxecto de investigación por parte da Dirección Xeral de Patrimonio, ca consecuente obriga de reformar o firme conforme aos parámetros e materiais axeitados a contorna.

Do mesmo modo, os centristas de Tui lamentan tamén que este palco, espazo estratéxico de primeira orde, careza da actividade cultural que merecen a edificación e a cidadanía. 

Nota: A foto corresponde ao día do acto en Honor a Garda Civil con motivo do 180 aniversario da súa fundación.  


Publicacións populares deste blog

C21 solicita que se recorte o saínte da beirarrúa na intersección da Rúa Maristas con Rúa Ourense dentro da renovación do seu Plan #Tuiseguro.

PSOE e BNG impoñen o Imposto de Plusvalía. Palacín: "Comeza unha era de depredación fiscal contra os tudenses""

Converxencia 21 pide que se estude a posible retirada dunha xardineira en San Bartolomé.